A principios do ano 2014, un grupo de arquitectos locais e a Asociación de Veciños de Tirán propoñen unha serie de actuacións para recuperar o vello Camiño Real que une as dúas vilas. Rexeitan o proxecto de ampliación da estrada para facilitar a circulación de vehículos de motor. Máis información no seguinte enlace http://praza.gal/movementos-sociais/6550/de-cangas-a-moana-vou-a-pe/
​
Este é o vídeo spot co que reclaman a Vía Segura Cangas-Moaña
CAMIÑOS SEGUROS - CAMIÑO REAL
Esta iniciativa deu lugar a un proxecto EDUSI (Estratexia de Desenvolvemento Común Integrado) para optar a fondos da Unión Europea. Nel participan os Concellos de Cangas e Moaña e está redactado polo Estudo Rurban.
Trátase dunha aposta por mellorar a autonomía infantil, a independencia das persoas maiores, os hábitos de vida saudables e o desconxestionamento do tráfico nos centros urbanos. Para iso traballarase na revitalización urbana, rehabilitación de inmobles en desuso ou a mellora do transporte público.
O IES AS BARXAS, colaborou co Concello de Moaña na fase de comunicación pública, no mes de novembro, mediante a difusión da iniciativa e a realización de enquisas ao alumnado, profesorado e familias.
​
O 22 de maio de 2017, publicouse no BOE a resolución da Secretaría de Estado de Orzamentos e Gastos do Ministerio de Facenda na que se rexeitaba o proxecto por falta de puntuación, ante o que os concellos reclamaron a súa revisión.
PROGRAMA APRENDE MOAÑA
O programa "Aprende Moaña" púxose en marcha no curso 2015/16 polo Concello de Moaña, como un conxunto de actividades paralelas ao curso escolar co obxectivo de que os alumnos coñezan e poñan en valor a súa contorna máis próxima. Algunhas das súas iniciativas foron:
1.- CHARLA SOBRE TOPONIMIA
​
Os nosos alumnos de 4º de ESO tiveron unha charla sobre a toponimia do municipio na biblioteca do centro, impartida por Soidade Ríos Santomé, autora da publicación "Toponimia na escola. Os nomes de lugar do Concello de Moaña". Os mozos coñeceron a orixe dalgúns dos puntos da vila, así como dos seus barrios e aldeas de orixe.
Foto G. Nuñez (Faro de Vigo)
2.- VISITAS AO ROMÁNICO
Todo o alumnado de 2ºESO gozou no mes de abril desta saída con visita guiada ás igrexas románicas de San Martiño e Tirán. As construccións foronnos explicadas polo profesor agora xubilado Xacinto García, a quen agradecemos o seu saber.
A actividade foi organizada polo EDNLinguaquetraba contando coa colaboración imprescindible da profesora de Ciencias Sociais Ángeles Pico, que xa tratara na aula este tema con anterioridade.
3.- FOTOS ANTIGAS DE MOAÑA
​
Unha vez máis acompañáronnos os membros da Asociación Nós para falar do catálogo de fotos vellas de Moaña que atesouran. Un contraste incrible comparándoas cos sitios polos que pasamos a cotío.
Foi unha actividade organizada polo EDNLinguaquetraba a que asisitiu todo o alumnado de 3º ESO no Salón de Actos do Instituto.
​
